البارحه وانا علـى بريـق ودلال
واقصد على هذا وهـذا نصحتـه
جتني رساله طايشه عبـر جـوال
واخذت جوالـي بسـاع وفتحتـه
الا رقم يسال عن الحـال بالحـال
طالعت فيه شوي قمت ومسحتـه
وعلى الربع صبيت فنجال فنجـال
وامر الرساله اجمعه ثم طرحتـه
شوي الا يوم اتصل بي ولا قـال
الا ترى خطـاك الاول سمحتـه
صوت ماعمري سمعتـه ولا زال
هو الوحيد اللي بعمـري مدحتـه
لاصوت حليمه ولا زينب وباسكال
هي صوتها لحاله والاصوات تحته
يخرب بيت ابو جدها ياهو اشكال
حرف تجيبه صح واخـر ذبحتـه
قلت العفو غلطانه برقـم رجـال
وغلطتي برقمي ورسمـه ونحتـه
قالت ممكـن شحـن 500 ريـال
واهديك كل عمري وصوتي وبحته
قلت العفو المساله صارت اموال
ومال يجي هلون ياسـرع سحتـه
الا تغير صوتها صـوت (رجـال)
رقمي ياأحساس تخزنه او مسحتـه
قلت مدري قالي انا حمود مثقـال
وقفلت جوالي وبعدهـا مافتحتـه